Home » Dokumentare » “RRUGËTIM ” – Tirana, qyteti i themeluar nga xhamitë

400 vjet më parë do të hidhej gurthemeli i një qyteti të ri, e askush nuk e dinte se ai do të bëhej kryeqendra e shqiptarëve!

Ky dokumentar është pjesë e një cikli dokumentarësh dhe reportazhesh të quajtura “RRUGËTIM”, që Komuniteti Mysliman i Shqipërisë ka planifikuar të realizojë në të gjithë vendin.
Është quajtur “Rrugëtim”, sepse vetë jeta e njeriut është një rrugëtim të përhershëm, vetë ekzistenca është një rrugëtim, historia, kultura e një populli, kombi a vendi është në një rrugëtim dhe nëse nuk ecim bashkë me të apo nëse nuk jemi të kujdesshëm që ta ruajmë me fanatizëm madje, ajo është e destinuar të humbasë, të harrohet dhe pluhuri i harresës fillon të trashet shumë shpejt.

Rrugëtim konsiston në njohjen, pasqyrimin dhe evidentimin e trashëgimisë kulturore dhe shpirtërore të shqiptarëve.
Rrugëtimi ynë i parë, nisi me Tiranën, për dy arsye:
E para sepse është kryeqendra e mbarë shqiptareve dhe si e tillë rëndësia dhe interesi për njohjen e historisë së saj është mjaft e madhe.

E dyta, sepse në shkurt 2014, koha në të cilën është realizuar edhe dokumentari, Tirana mbushi plot 400 vjet nga hedhja e gurëthemelit të saj, që ishte Xhamia e Sulejman Pashës (Xhamia e Vjetër).

Në mënyrë që historia, kultura dhe trashëgimia jonë të mos humbasë, së pari duhet që ne ta njohim atë, duhet të dimë se cilat janë rrënjët tona, dhe sigurisht shteti ynë duhet të bëjë më shumë për ruajtjen e kësaj trashëgimie, sepse vetëm kështu do të mund të sigurojmë një të ardhme të sigurt dhe të qëndrueshme, për ta ndërtuar këtë atë, mbi ato vlerat, që ne shqiptarëve na karakterizojnë si popull.

Print Friendly, PDF & Email
Scroll Up